Cauayan City – Dahil sa kaliwa’t kanang putukan at gulo sa Middle East,sarado muna para sa mga pasahero at publiko ang ilang airspace dahilan upang hindi muna maiuuwi ang mga labi ng OFW na si Mary Ann De Vera sa Pilipinas mula sa Israel .
Kinilala ang biktima na si Mary Ann De Vera, 32 anyos na tubong Basista, Pangasinan at nagtatrabaho bilang Caregiver sa Israel.
Nasawi siya matapos tamaan ng bomba ang gusaling tinutuluyan ng biktima sa Tel Aviv nitong Sabado ika-28 ng Pebrero, 2026.
Samantala, nangako ang embahada ng Israel sa Pilipinas na tutulong ito sa naulilang pamilya ng naturang Pinay.
Nagbigay na rin ng pakikiramay si Pangasinan Governor Ramon Guico III sa pamilya at nangakong susuportahan ang pamilya nito.
Nagpaabot rin ng tulong pinansyal ang ahensya ng Department of Migrant Workers Ilocos Region officer-in-charge Assistant Director na si Romeo Jaramilla, na nagkakahalaga ng PHP100,000 para sa naiwang pamilya nito.
————————————–
Para sa update at iba pang mga balita, bisitahin ang aming facebook page 98.5 iFM Cauayan at ang aming website, www.rmn.ph/985ifmcauayan.
#985ifmcauayan
#idol
#numberone
#ifmnewscauayan
