Naitala ng Philippine Atmospheric Geophysical and Astronomical Services Administration o PAGASA Dagupan ang magkakasunod na mataas na heat indices sa nakalipas lamang na linggo. Kadalasang naglalaro ang naitatalang heat index mula 35 hanggang 40 degree Celsius, na pasok sa kategoryang Extreme Caution.
Patuloy na pinaalalahanan ang publiko ang ilang hakbang upang makaiwas sa bantang dulot ng maalinsangang panahon sa kalusugan.
Maaaring makaranas ng heat cramps, heat exhaustion maging heat stroke ngayong nararanasan ang mainit na panahon lalo na ang mga taong mayroon nang maintenance.
Paalala pa ng health authorities ang ilan pang health related cases na maaaring naglipana ngayong papasok na muli ang summer season o panahon ng tag-init, kasabay pa ng nararanasang El Nino Phenomenon. |𝙞𝙛𝙢𝙣𝙚𝙬𝙨
