Cauayan City – Kasado na ang mga aktibidad para sa pagdiriwang ng Mangi Festival ngayong buwan ng Pebrero sa bayan ng Tumauini, Isabela.
Sa inilabas na anunsyo ng LGU Tumauini sa kanilang Facebook page, pormal nang binuksan ang Tumauini Banchetto noong ika-8 ng Pebrero.
Gaganapin naman sa ika-20 ang Opening Program, Motorcade, Color Fun-Run, Rave party, at Gala Night, habang sa ika-21 naman ang pagbubukas ng VTB Trade Fair and Culinary Competition, Tumauini Pawstival at Balikbayan Night.
Laro ng lahi, Barangay and SK Night, at Talents Night naman para sa Search for Mangi Festival Queen 2026 ang magaganap sa ika-22 ng Pebrero.
Magkakaroon din ng Drum and Lyre Competition sa ika-23, samantalang Grand Fiesta Parade, Streetdance and Showdown Competition at Coronation Night naman ng Search for Mangi Festival Queen 2026 ang nakatakdang gawin sa ika-24 ng Pebrero.
Ang naturang pista ay sumasalamin sa pagkakaisa ng komunidad habang binibigyang-diin ang kahalagahan ng mais.
PHOTO: BAYAN NG TUMAUINI
————————————–
Para sa update at iba pang mga balita, bisitahin ang aming facebook page 98.5 iFM Cauayan at ang aming website, www.rmn.ph/985ifmcauayan.
#985ifmcauayan
#idol
#numberone
#ifmnewscauayan
