Patuloy pa rin ang pag-usad sa mga aktibidad ang ahensya ng National Irrigation Administration kaugnay sa Environmental Compliance Certificate ng proyektong Pump Irrigation sa bayan ng Bayambang.
Nalalapit na ang pagsasakatuparan sa naturang proyekto kung kaya’t nito lamang ay pinagtulungang buuin ng NIA-Regional Office I at ng LGU Bayambang ang ECC ng naturang proyekto.
Kaugnay sa isinasagawa rin ng NIA na Social at Environmental Impact Assessment ay hiningi nito sa LGU ang mga kinakailangang gawing socio-economic-agronomy data collection activities.
Tinalakay rin ang ukol sa pagbibigay konsiderasyon sa iba’t-ibang impresyon ukol sa proyekto at benepisyo, implikasyon, at mga maaaring kaharaping problema sa pag-iimplementa nito.
Binigyang pansin rin ang mga positibo at posibleng negatibo nitong maidudulot ng proyekto sa mga residente at sa kapaligiran maging pinagusapan rin ang bawat kontribusyon ng iba’t-ibang sektor sa implementasyon ng naturang proyekto. |𝙞𝙛𝙢𝙣𝙚𝙬𝙨
