𝗣𝗔𝗚𝗣𝗔𝗣𝗔𝗧𝗔𝗬𝗢 𝗡𝗚 𝗗𝗜𝗔𝗟𝗬𝗦𝗜𝗦 𝗖𝗘𝗡𝗧𝗘𝗥 𝗦𝗔 𝗟𝗜𝗡𝗚𝗔𝗬𝗘𝗡 𝗗𝗜𝗦𝗧𝗥𝗜𝗖𝗧 𝗛𝗢𝗦𝗣𝗜𝗧𝗔𝗟, 𝗜𝗡𝗜𝗛𝗔𝗛𝗔𝗡𝗗𝗔𝗡𝗚 𝗣𝗥𝗢𝗬𝗘𝗞𝗧𝗢 𝗡𝗚 𝗣𝗔𝗠𝗔𝗛𝗔𝗟𝗔𝗔𝗡𝗚 𝗣𝗔𝗡𝗟𝗔𝗟𝗔𝗪𝗜𝗚𝗔𝗡 𝗡𝗚 𝗣𝗔𝗡𝗚𝗔𝗦𝗜𝗡𝗔𝗡

Isa ang sektor ng kalusugan sa tinututukan ng Pamahalaang Panlalawigan ng Pangasinan upang patuloy na maitaguyod ang kapakanang pangkalusugan ng mga Pangasinense.

Alinsunod dito ang inihahandang pagpapatayo ng Dialysis Center sa Lingayen District Hospital sa pakikipag-ugnayan ng Pangasinan Provincial Government katuwang ang Luzon Medical System (LMS) sa pamamagitan ng iseselyadong Memorandum of Agreement (MOA) pagkatapos itong aprubahan ng mga Board Members ng Sangguniang Panlalawigan ng Pangasinan.

Layon ng nasabing resolusyon na makapagbigay ng kalidad na serbisyong medical, maging matugunan ang mga problemang kinakaharap particular ang mga pasyenteng nangangailangan ng dialysis

Inaasahan ang pagkakaroon ng labintatlong units ng bagong mga dialysis machines na magagamit sa itatayong dialysis center.

Samantala, kabilang sa layunin nito ang matulungan ang mga Pangasinense, particular ang mga kapos palad na makatanggap pa rin ng kalidad na serbisyong medikal sa makatarungan at abot-kayang halaga. |𝙞𝙛𝙢𝙣𝙚𝙬𝙨