Ipinasilip na sa publiko ang isinasagawang pagsasaayos sa isa na namang maaaring atraksyon sa lalawigan ng Pangasinan na matatagpuan sa Brgy. Cayanga, Bayan ng Bugallon.
Matapos mapansin ang mala-paraisong lugar sa nasabing barangay ay agad na ipinag-utos ng pamahalaang panlalawigan na isaayos at i-develop ang lugar dahil sa potensyal nitong maging atraksyon at gagawing isang Ecological Park sa probinsya.
Ayon kay Project Manager Retired P/Col. Paterno Urduna na layunin ng dinidevelop na atraksyon ay upang may mapuntahan ang mga Kabataang nagfifield trip kung saan aniya isa itong educational di tulad ng iba na sa mall nagpupunta tuwing field-trip ng mga estudyante.
Aniya pa, layunin ng lugar na ito na pupuntahan ng mga kabataan ay upang mai-relate sa environmental preservation.
Sa isinasaayos na eco-park maraming mga puno ang nakalinyang itanim sa lugar.
Marami pang planong nakalatag sa lugar para sa full development ng naturang eco-park sa probinsiya kung saan planong buksan ito sa taong 2025 sa oras na natapos na ang lahat ng features nito para sa lahat ng mga bibisita rito. |𝙞𝙛𝙢𝙣𝙚𝙬𝙨
