Kasalukuyang sinusolusyunan ang matagal nang problema ng mga pasyenteng nagtutungo sa Outpatient Department ng Mapandan Community Hospital sa bayan ng Mapandan.
Matapos isagawa ang hospital hoping ni Provincial Administrator Melecio Patague II sa nasabing hospital, pumukaw sa kanyang atensyon ang mga sitwasyong kinakaharap ng mga pasyente nakapila sa Outpatient Department na mainit ang kanilang pwesto dahil sa tolda lang ang gamit na silungan ng mga ito.
Ilang taon na umanong tinitiis ng mga pasyente ang mainit na silungan ng pagamutan.
Ang naturang problema ay agad na ipinarating sa pamahalaang panlalawigan ng Pangasinan upang agad ding mabigyan ng solusyon kung saan kasalukuyang isinasagawa ang konstruksyon.
Ang dating mainit na pwesto ngayon ay mapapalitan na ng airconditioned na pwesto para sa mga pasyenteng magtutungo sa OPD ng hospital.
Laking pasasalamat naman ng mga residente dahil sa kasagutang ito sa kanilang problema tuwing nagtutungo ng OPD. |𝙞𝙛𝙢𝙣𝙚𝙬𝙨
