𝗣𝗔𝗚𝗧𝗜𝗧𝗜𝗣𝗜𝗗 𝗦𝗔 𝗞𝗢𝗡𝗦𝗨𝗠𝗢 𝗡𝗚 𝗞𝗨𝗥𝗬𝗘𝗡𝗧𝗘 𝗔𝗧 𝗣𝗔𝗡𝗚𝗔𝗡𝗚𝗔𝗟𝗔𝗚𝗔 𝗦𝗔 𝗞𝗔𝗟𝗜𝗞𝗔𝗦𝗔𝗡, 𝗜𝗣𝗜𝗡𝗔𝗔𝗟𝗔𝗟𝗔 𝗡𝗚 𝗣𝗔𝗡𝗚𝗔𝗦𝗜𝗡𝗔𝗡 𝗣𝗗𝗥𝗥𝗠𝗢

Nagbigay paalala ang tanggapan ng Pangasinan PDRRMO ukol sa pag-conserve o pagtitipid sa konsumo ng kuryente at maging pangangalaga sa kalikasan sa pamamagitan ng ilang pamamaraan para makatulong na maibsan ang climate change.

Kaugnay ito sa paggunita ng Earth Month ngayong Abril kung saan naglalayon na mabigyan ng importansya ang planeta at maging panghihikayat sa publiko na sumuporta at kumilos para sa maunlad na kinabukasan.

Mainam umano kung susundin ng bawat isa ang pagkakaroon ng Sustainable Lifestyle tulad ng pagtitipid sa konsumo ng kuryente kung saan tatanggalin sa saksakan ang mga electronic appliances na hindi naman ginagamit.

Dapat rin umanong i-practice ang reduce, reuse, recycle method sa segregation ng mga basura at pagtitipid sa ginagamit na tubig.

Mainam rin umano kung gagamit ng mga Eco-friendly products at renewable energy. |𝙞𝙛𝙢𝙣𝙚𝙬𝙨