𝗣𝟮𝟴𝟬𝗞 𝗛𝗔𝗟𝗔𝗚𝗔, 𝗜𝗡𝗜𝗟𝗔𝗔𝗡 𝗣𝗔𝗥𝗔 𝗦𝗔 𝗦𝗧𝗥𝗘𝗘𝗧𝗟𝗜𝗚𝗛𝗧𝗦

CAUAYAN CITY- Puspusan ang paglalagay ng mga streetlights sa madidilim na bahagi ng Brgy. Tagaran sa Lungsod ng Cauayan.

Sa naging panayam ng IFM New Team kay Brgy. Kagawad Daniel Acob, nasa isang daan at walumpo’t limang street lights ang natapos ng mailagay sa kanilang lugar.

Aniya, nasa dalawang daan at walompung libong piso ang inilaang badyet para rito kung saan sunod na ilalagay ang apatnapu’t anim na streetlights sa Purok 7 sa mga susunod na araw.

Layunin ng proyekto na mabigyan ng karagdagang seguridad at kaligtasan ang mga mamamayan sa anumang kapahamakan.