βCauayan City – Inanunsyo ng Cauayan City Agriculture Office ang pagkakaroon ng Search for Outstanding Agricultural Achievers, taunang aktibidad ng kanilang opisina bilang pagkilala sa mga natatanging magsasaka at mangingisda.
β
βSa naging panayan ng IFM News Team kay City Agriculturist Engineer Ricardo Alonzo, ibinahagi nito ang ilang mga kategorya para sa nabanggit na aktibidad. tulad ng Outstanding Hybrid Rice Farmer, Outstanding Corn Farmer, Outstanding High Value Commercial Crops Farmer, Outstanding Young Farmer, at Outstanding RIC Organization.
β
βMayroon ding Outstanding Women in Agriculture, Outstanding Fisherfolk, Outstanding Small Animal/Livestock Raiser, Outstanding Farm Family, at marami pang iba.
β
βIbinahagi rin City Agriculturist Alonzo na kahit sino, indibidwal man o grupo ay pwedeng mag-nominate ng gusto nilang mapabilang sa Outstanding Agricultural Achievers.
β
βInanyayahan din ni Alonzo ang mga magsasaka at mangingisda sa lungsod at binigyang-diin ang kanilang malaking kontribusyon sa food security ng Cauayan City.
β
βAng Search for Outstanding Agricultural Achievers ay bahagi ng Farmer’s Day na gaganapin sa Gawa-gawayan Festival sa buwan ng Abril 2026.
————————————–
βPara sa update at iba pang mga balita, bisitahin ang aming facebook page 98.5 iFM Cauayan at ang aming website, www.rmn.ph/985ifmcauayan.
β#985ifmcauayan
β#idol
β#numberone
β#ifmnewscauayan
