Cauayan City – Napasakamay na ng mga awtoridad ang suspek sa nangyaring pananaga sa Brgy. San Antonio, Cauayan City matapos ang ilang araw nitong pagtatago matapos ang nangyaring insidente.
Sa nakuhang impormasyon ng IFM News Team sa Cauayan City Police Station, nadakip ang suspek na kinilalang si alyas “Fel”, 45-anyos, sa Brgy. San Placido, Roxas, Isabela matapos ang tuluy-tuloy na hot pursuit operation ng kapulisan.
Matatandaang nangyari ang insidente noong ika-3 ng Pebrero sa Brgy. San Antonio, kung saan pinagtataga ng suspek ang biktima na si Marvin Garcia sa kanyang ulo at leeg na naging dahilan ng kanyang agarang pagkamatay.
Matapos ang ginawang krimen, kaagad na tumakas at nagtago ang suspek ng ilang araw bago ito tuluyang mahuli ng mga awtoridad.
Sa kasalukuyan, nasa kustodiya na ng Cauayan City Police Station ang suspek para sa dokumentasyon at pagsasampa ng kasong Murder.
————————————–
Para sa update at iba pang mga balita, bisitahin ang aming facebook page 98.5 iFM Cauayan at ang aming website, www.rmn.ph/985ifmcauayan.
#985ifmcauayan
#idol
#numberone
#ifmnewscauayan
