1.1M ka mga estudyante magasulod sa balik skwela sa Negros Island

123

Bacolod City – Gina-antisipar sang Department of Education (DepEd) nga may ara sang pagsaka nga mga 100,000 ka mga estudyante sa pagbukas sang klase sa Hunyo 5.

Suno kay Regional Director Gilbert Sadsad nga sang nagligad nga school year masobra isa ka milyon ang mga estudyante sa record sang DepEd Negros Island Region, Region XVIII.


Para kay Sadsad, sa kabilugan handa na sila sa pagbukas sang klase apang may problema sa gihapon sila sa mga wala nahuman nga mga classrooms nga ginpaconstruct sang Department of Public Works and Highways (DPWH).

Ginalauman nila nga mga 20% nalang ang mabilin nga mga classrooms nga wala mahuman sa pagbukas sang klase, kompara sang Abril nga mga 50% pa ang on-going contruction.

Una na nga ginreport sang DPWH nga pila sa mga rasun kon ngaa nga delayed ang trabaho nila bangod man sa mga lugar nga wala kapasar sa soil test, wala sang kontraktor sa mga nabukid nga mga lugar ukon may failure of bidding.

Samtang, sa bahin naman sang natalana nga transport strike sa Hunyo 5 tubtob 6 sang grupo nga United Negros Drivers and Operators Center (Undoc), ginpahayag ni Sadsad nga iya ini ginatugyan sa mga local chief executive nga may ara naman sang poder sa ila tagsa ka lugar.




Facebook Comments