Mukabat ngadto sa 1.2 milyon pesos ang gibiling damyos sa nahitabong sunog sa Purok 2, Poblacion, Valencia City, Bukidnon kaniadtong Lunes sa hapon.
Matud sa Bureau of Fire Protection kon BFP Valencia nga gilamoy sa kalayo ang pinuy-anan sa 28 ka mga pamilya.
Nasayran nga mukabat ngadto sa 200 kapin kon kulang ka mga indibidwal ng na-apektuhan sa sunog.
Nagbilin usab kini ug usa ka patay nga bata nga nailang si John Michael Catao ug pagkasamdan sa usa ka Regie Palban.
Sa karon padayon ang gihimo nga imbestigasyon sa kabomberuhan sa hinungdan sa mao nga sunog.
Samtang sa taho sa barangay kapitan sa Barangay Poblacion gibutyag niini nga anaa sa 38 hangtod 45 ka pamilya ang na apektuhan sa sunog tungod kay adunay mga nag-abang dinhi.
Sa karon padayon nga nanawagan ang mga biktima sa sunog nga unta tabangan sila.
