Nagpadayon karon ang ginalusad nga Hot Pursuit Operation paglakag sa suspek nga mipusil sa duha ka mga security guards particular sa Barangay Guinoyoran, Valencia City pasado alas 3 kaganiha sa kadlawon.
Sa interview sa RMN Malaybalay ug 95.3 iFM Bukidnon ngadto kang Valencia City Police Station Chief PLtCol. Michelle Clemencio, gibutyag niini nga ang mga biktima lalaki ug babae kinsa nanggi-inom sa maong higayon ug kalit lang matud pang miduol ang kauban sa mga biktima nga Security guard sa usa ka luna dayong pagpamusil.
Dugang ni Clemencio, nga gipalawman ang maong imbestigasyon kung may kalambigitan ba kini sa love triangle ilabi na nga kauban ra kini sila sa trabaho ug pulos kini silang mga taga Davao City.
Sa karon, padayon pa ang Hot pursuit operation sa kapulisan paglakag sa gikaingong suspek.
Gikatahong nakabsan sa kinabuhi ang lalaking biktima sa pagpamusil samtang padayong ginaatiman sa balay-tambalanan ang babaeng biktima.
Facebook Comments
