Ta esta ya suspendido como un principal del un escuela publica si Señora
Lutchi Castelo Rimando seguindo el decision del Ombudsman Mindanao porcausa
el reclamo o asunto ya planta el un maestra contra cunele del años pasao.
Base na decision del Ombudsman ay tene que esta suspendido si Rimando por
un año sin sueldo porcausa con el asunto de conduct prejudicial to the best
interest of the service que planta conele si Señora Collin Alcala Casas
Cenecerio.
Mientras el semejante asunto contra con Alvin Bauy Uy ya man dismiss el
Ombudsman.
El diferiencia ya tene si Cenecerio y Rimando el tiempo junto sila na
trabaja na un escuela publica donde ya men pelyajan estos porcausa con
cuantos maga asunto tiene que hace na escuela.
Del Marso 7, en este año, ya recivi carta si School Division Superintendent
Dr. Romy Triambulo desde con Dr. Isabelita Borres, CESO III, el director
regional del DepEd base na Pagadian City donde ta ordena esta para
implementa el decision del Ombudsman Mindanao para el suspencion di Rimando
por un año sin sueldo y este dayun tambien ya actua el official.
