Patay ang usa ka miyembro sa New People’s Army kon NPA samtang 1 usab ang nadakpan human ang nahitabong engkwentro tali niini ug sa 58th Infantry Battalion niadtong Martes.
Matud ni Lt. Col. Ricky Canatoy, ang commander sa 58th IB nga samtang gisusi sa iyang tropa ang gikatahong presensya sa armadong grupo sa Brgy. Silo-o, lungsod sa Malitbog, Bukidnon na-engkwentro nila ang 20 kapin kon kulang ka mga NPA nga nagresulta sa pagka-patay sa 1 ka miyembro niini nga naila nga si Leonido Pacheco alyas Mcdong samtang laing samdan nga kauban ninii nga nadakpan ang naila nga si Aman Bilayong alyas Neri.
Ang nadakpang samaron gidala sa Camp Evangelista Station Hospital alang sa medical treatment ug sa karon anaa sa luwas nga kahimtang.
Apil sa narekober sa militar ang 2 ka M16 rifles, 1 ka KG-9, mga bala ug mga subversive documents.
Una niini, gibutyag ni 403rd Brigade Commander BGen. Ferdinand Barandonsa interview sa RMN, nga naka-alerto sila karong yuletide season batok sa NPA ilabina ug walay ceasefire o hunong buto nga gideklara ang gobyerno batok sa mao nga grupo.
Nanawagan usab kini sa mga nahibiling miyembro sa NPA nga mubalik na sa sabakan sa gobyerno.
