Usa ka sundalo ang nasamdan human nga nagka-engwkentro ang tropa sa kasundaluhan ilawom sa 88th Infantry Battalion, PA ug New Peoples Army kon NPA sa lungsod sa Quezon ning probinsya sa Bukidnon.
Sa interview sa RMN Malaybalay ngadto kang 1LT. Tere Ingente, ang spokesperson sa 4th Infantry Division, kon 4th ID, PA gibutyag niini nga nahitabo ang engkwentro sa Barangay Lumintao, lungsod sa Quezon alas 10 sa buntag kaniadtong adlaw nga Sabado.
Gikumpirma usab ninii ang pagkasamdan sa usa ka sundalo nga karon gidala sa Camp Evangelista Hospital sa Cagayan de Oro City.
Nibalibad una si Ingente nga hinganlan ang mao nga sundalo apan gi-ingong stable na ang kahimtang niini.
Samtang gibutyag usab ni Ingente nga adunay nakita ang kasundaluhan nga pat ak-pat ak sa dugo sa encounter site.
Panawagan pa ninii sa mga nasamdan nga mga NPA nga mukanaug aron magpatambal.
