Maga agente del Philippine Drug Enforcement Agency ya confisca shabu valor de un kilo desde con tres persona durante el drug bust operation adentro del La Terraza Pension House na Governor Camins Avenue anoche.
El PDEA ya nombra con el maga suspechao como canda Nurhassan Tawasil Atari, 31, casao, de Sta. Barbara, Nurhati Imlan Ajibon, (mojer), 42, de Tubig Tanah, Bongao, Tawi-Tawi y si Edzmer a. Mangsan, 26, casao de Purok 7, Mampang.
Ya confisca desde canila el un kilo shabu tiene el valor de P6.8 million y el boodle money ya usa como marked money.
Con el maga suspechao ya detene na PDEA headquarters mientras con el shabu ya entrega na diila mismo crime laboratory.
El PDEA esperanzao ay planta el propio caos na corte con el maga suspechao na mas temprano tiempo.
