DUMAGUETE CITY – Kapin isa ka kilo sang suspected shabu ang narecover sang Miyerkules sa ginpatigayon nga drug raid sang PDEA kag NORPO sa syudad sang Dumaguete.
Subject sa amo nga drug operation si Orson Villegas, 38 anyus, residente sang Brgy Mangnao, Dumaguete City, Negros Oriental.
Ginpatigayon ang raid sa imo puluy-an ni Villegas sa diin narecover sang otoridad ang kapin sa 53 ka sachet sang suspected shabu nga nagabug-at naman sang kapin isa ka kilo.
Nakuha man gikan sa suspek ang digital weighing scale, improvised glass tooter, glass burner, lighters, tin foil kag pila pa ka drug paraphernalia.
Suno sa PDEA, ang ila na-recover nga suspected shabu ang may market value nga kapin sa P11.8 million pesos.
Ang suspek sa karon detained sa Dumaguete City Police Station.
