![1-meter-distancing.jpg](https://i0.wp.com/rmn.ph/wp-content/uploads/2020/09/1-meter-distancing.jpg?resize=696%2C365&ssl=1)
Magpabilin sa usa ka metro ang distansya sa mga pasahero sa mga pampublikong sakyanan hangtod wala pay desisyon si President Duterte kalabot niini.
Giingon ni Presidential Spokesperson Harry Roque nga ginapangusgan ni Sec. Arthur Tugade sa meeting sa Inter-Agency Task Force (IATF) nga magpabilin sa “one meter rule” ang physical distancing samtang wala pay desisyon si Presidente kung pwede na kining ibaba sa 0.75 meter.
“Balik 1-meter distancing po muna tayo sa pampublikong transportasyon habang wala pa pong desisyon ang Presidente kung pupuwede itong maibaba sa 0.75 meters,” ingon ni Roque.
Una niini, nagdesisyon ang DOTR nga hinay-hinayng ipatuman ang mas mubo nga distansya sa mga pasahero sugod niadtong Setyembre 14 aron patas-on ang passenger capacity sa mga public utility vehicles apil na ang upat ka railway lines sa Metro Manila.
Apan gibabagan kini sa 17 ka Metro Manila Mayors ug pipila ka mga medical experts kay basin musaka ang ihap sa matakdan sa COVID-19.