DISIPLINA, SAKRIPISYO SA DABAWENYO VS. COVID-19, GIPASIGARBO NI MAYOR SARA

Gipasigarbo karon ni Davao City Mayor Sara Duterte ang disiplina ug sakripisyo sa mga Dabawenyo, hinungdan nga nagkaubos ang kaso sa Covid-19 sa syudad.

Basi sa datos sa City Health Office, ang Davao City mag-average lamang og 35 ngadto sa 40 new cases kada adlaw. Dakong pag-ubos kini gikan sa tig-usa ka gatos ka kaso sa Covid-19 niadtong nakalabayng tuig.

Sa iyahang video message, giawhag ni Mayor Sara ang mga Dabawenyo nga ipadayon ang pagsunod sa minimum public health standard. Kini ang pagsul-ob og face mask, face shield, pagsunod sa social distancing ug paghunaw sa kamot.


Dugang sa mayor nga dili angay masayang ang nahimong sakripisyo sa dakbayan aron dili na mokatag pa ang Covid-19 sa dakbayan.

Ang positivity rate sa Davao mitala lamang og 3.8 percent, mas ubos sa threshold nga five percent sa World Health Organization.

Facebook Comments