Gibana-banang mokabat sa usa ka milyon ka pesos kapin kon kulang ang damyos sa pagkasunog sa karaang nga building sa munisipyo sa Mambajao, Camiguin kagahapong adlawa.
Matud ni Senior Inspector Policarpo Bacolcol Jr. ang Hepe sa Bureau of Fire Protection kon BFP Camiguin nga human nila madawat ang tawag dali dayun sila nga miresponde sa area apan dako na ang kalayo sa ilang pag abot.
Dugang pa ni Policarpio nga basi sa ilang nakuha nga impormasyon, nagsugod ang kalayo sa taas nga bahin sa building diin didto nahimutang ang mga daghang papeles.
Sa karon padayon pa nga gisuta sa BFP kung unsay hinungdan sa sunog apan usa sa gilantaw niini mao ang electrical wirings.
Facebook Comments
