Un wanted persona quien alegaomente hechor na matansa con un pulis ya sale muerto mientras su compañero ya sale arestao durante el operacion ya conduci el maga operativas del 904th Mobile Company junto con otro maga units y tropa del military enantes aga na Sitio Baluno, Bunguiao.
El muerto amo si Rosendo “Endo” Lorenzo, mientras el arestao amo si Mark Anthony “Mac-Mac” Deles, de Camino Nuevo.
El maga pulis ya apunta na lugar para servi el warrant of arrest na caso de murder con Lorenzo enconneccion na matansa con SPO1 Ronnie Adansa del Octobre 5, 2017. Pero asegun armao de calibre 45 pistola ya imbisti si Lorenzo y ya resulta ne cambiajan de tiro entre maga pulis.
Si Lorenzo ya muri despues ya sostene tupada de bala na cuerpo.
Durante el operacion, talya tambien na lugar junto con Lorenzo si Deles, con quien ya puede tambien recobri na possession un 400 mm grenade launcher, unu grande y dos diutay paquete de shabu y cuantos drug paraphernalia.
Con Deles ya entrega maga pulis na Sangali Police Station mientras el maga confiscao items ya lleva na crime laboratory.
