El palabra, “gende ta consinti el Diyos con el maldad na mundo,” este ya bene despues el un pulis junto consu maga compañero ya entra na un casa na Unity Drive, Crispin Atilano, Tetuan y ya tira con el fadre de familia y por accidente ya puede tambien le tira consu uban y ya causa el muerte.
El incidente ya sosede pasada ala una del aga enante amedienta del sueño del familia Ibañez donde el pulis nombrao como si PO1 Alden Sahiron y Ibno, 31, floating status assigned na RPHAU junto consu maga uban porsaomente ya entra na casa y ta busca asegun con el unu del maga anac di Bernard Ibañez y Calcupan, conquien sila ya tene flayto del meses pasao.
Asegun cuando ya confronta canila si Bernard, derepente si Sahiron ya tira conele y ya tupa na carrillo y yan lampas el bala na cabesa.
Amediante del maga rebentada de pusil desde con Sahiron y su maga uban, unu del diila maga bala ta tupa con el diila uban na pecho y ya muri este na lugar. Conele ya puede conose como si Lindy H. Abbuh.
Con Sahiron ya puede cuji el maga pulis del Tetuan Police Station mientras ta precura ya escapa mientras consu losdemas uban canda Benjamin Ibrahim, Ramil Ibrahim, Abdelnijam Bandahala y Faiza Ahmad, ya puede aresta mientrasta precura sila lleva conelcadaver di Abbuh.
Asegun dos otro uban diila ya puede escapa.
Si Ibañez reportaomente na criticalel condition na hospital.
