Sa interview sa RMN Malaybalay ngadto kang Engr. Jay-r Herbieto, Branch Head sa SSS-Valencia City, gibutyag niya nga karong tuig 2023, nagpatuman ang buhatan og 1% contribution rate increase.
Gikan sumala pa sa 13% nga contribution rate sa milabayng tuig 2022, musaka na kini karon sa 14%.
Apan giklaro ni Engr. Herbieto nga mas nakapahimulos sa pagsaka mao ang mga anaa sa employment sector.
Kini sumala pa nga pas-anon sa mga employer ang dugang 1% nga pagsaka sa contribution.
Ang bahinan sa contribution mao ang 4.5% sa mga empleyado ug 8.5% sa mga employer sa milabayng tuig 2022.
Karong tuiga, musaka sa 9.5% ang employer share ug magpabilin sa 4.5% ang share sa mga empleyado nga magkompleto sa 14% nga contribution rate ning tuig 2023.
Maong pagklaro ni Engr. Herbieto nga walay kausaban sa ginakaltas nga contribution rate sa mga empleyado.
