General Santos City—usa patay samtang usa angol sa natigayong drag race nga gipahigayon sa mga batan-on sa diversion Road, Prk. Odagre, Barangay Conel Gensan.
Biktimang nakabsan nailhang si Jeffrey Romero, 24, residenti sa Mt. Calvary, Barangay San Isidro, General Santos City. Samtang samdan ang usa ka Keven Boycer, 24, residenti sa Foremost, Vill., Barangay Apopong Gensan.
Alas 9:37 Ang takna sa gabie dihang gisugdan ang drag race sa lugar uban ang uban pa nilang mga kaubanan. Samtang nagdagan ang motorsiklo ni Romeo, aksidenting natumba ang nahisgutan ug milahos sa nahimutangan ni Boycer nga nag tindog lang daplin sa kalsada, hinungdan nga siya nakaangkon ug samad sa iyang lawas.
Tungod sa grabeng samad ni Romeo, nakabsan gilayon kini sa iyang hinulamang kinabuhi samtang si Boycer gidala sa Mindanao Medical Center.
Sa initial investigation sa Traffic Management Unit (TMU) nasayran nga wala na nila maabtan pa ang mga motorsiklong gigamit sa mga nag drag race sa lugar apil na ang motorsiklong gigamit sa biktimang si Romero.
Sa karon ginatun-an pa sa kapulisan kung si kinsa ang manubag sa maong insidenti hilabi na nga hugtanong ginabawal sa dakbayan ang pagpahigayon ug drag race.
