General Santos City—usa ang patay samtang usa nakadagan sa nahitabong pagpamusil sa riding in tandem sa Purok Bagras, Barangay Koronadal Proper, Polomolok, South Cotabato.
Ang biktimang namatay nailhang si Junard Mongkil Mangelin, 40, minyo, residente sa Purok 4, Sumbakil, Polomolok.
Subay sa imbistigasyon sa Polomolok Police Station nasayran nga buntag niadtong Domingo gikan sa Barangay Sumbakil ang biktimang si Mangelin sa motorsiklong gimanihuan sa kauban niining si Tata Daud Vicente, 37, minyo ug residenti sa Purok 4, Barangay Sumbakil Polomolok, padulong unta ang duruha sa Barangay Crossing Palkan, Polomolok.
Pag abot sa Purok Bagras, Barangay Koronadal Proper kalit lang gipusil si Mengelin sa duha ka suspetsadong nakamotorsiklo 11 ka higayon ngahinungdan sa iyang kamatayon. Samtang nakaluwas usab ang driver nga si Vicente human nga nakadagan.
Paspas usab nga nakasibat ang mga suspek human sa insidenti . narekober gikan sa Crime Scene ang mga baseyo sa bala sa pusil nga gigamit sa mga suspetsado.
Sa karon padayon pa ang gilusad nga makuting imbistigasyon sa kapulisan kalabutan sa insidenti ug padayon pang ginasuta ang motibo sa krimen.
