Lalaki gipusil sa miyembro sa Prov’l Security Guard-patay

South Cotabato—Dead on the spot ang usa ka lalaki human gipusil sa suspek nga miyembro sa Provincial Security Guard, sa Purok Pag-asa, Brgy. Lambontong, Surallah, South Cotabato alas 9:00 sa gabie, July 2, 2017.

Giilaang biktima nga si Jerry Fernando Lucero, 19, walay trabaho ug residente sa samtang lugar samtang suspek sa pagpamusil nailhang si Marty John Salvalosa Farofaldane, 32, minyo, Provincial Security Guard ug residente sa samang lugar.

Sumala ni Police Chief Inspector Joel Fuerte, Hepe sa Surallah Mumicipal Police Station nga ayha nahitabo ang pagpamusil, maabtan sa suspek ang biktima ug usa ka Jessie Solivio Quiros nga naglalis. Sila giuwang sa suspek apan wala mipatuo ang mga nahisgutan. Didto na mibunlot ug pusil ang suspek ug gipusil ang biktima.


Nakaangkon ug samad si Lucero sa iyang dughan ug likod nga hinungdan sa iyang kamatayon. Gilayon nga misibat ang suspek human sa pagpamusil .

Usa sa mga gitan-aw nga motibo sa krimen ang kalabutan sa personal grude human nga duna nay daang bingkil ang biktima ug ang suspetsado. Sa karon nagpabiling atlarge ang suspek samtang giandam na usab ang kasong ipasang-at batok sa nahisgutan human sa nakomitar nga salaod.

Facebook Comments