1 PATAY 1 SAMDAN HUMAN MIBANGGA ANG MOTORSIKLO SA POSTE

GENERAL SANTOS CITY- Patay ang driver sa usa ka motorsiklo ug samdan ang sakay niini human mibangga sa poste sa Crossing Intake, Brgy Mabuhay ning dakbayan.

Giila ang maong biktima nga si Rakim Daye, 21-anyos, nga nakaangkon ug grabeng samad sa ulo nga maoy hinungdan sa iyahang kamatayon. Samtang giila ang sakay niining si Remy Daye, 19-anyos, nga nakaangkon usab ug samad sa ulo, apan anaa na sa luwas nga kahimtang sa balay-tambalanan.
Ang duha giila nga pulos mga residente sa Koronadal City.

Nahibaluan nga matud pa ang duha paadto sa trabaho ug nagadali, dihang pag-abot sa kurbada nga bahin, na-overshoot ang ilang gisakyan nga motorsiklo ug nabangga sa poste.


Sa kasamtangan padayo gihapon ang imbestigasyon sa mga otoridad sa naasoy’ng insidente.
Hugot ba imuhang pag amping sa kadalanan bestfriend?
For more info’s and updates, like and share our official facebook account www.facebook.com/ifm91.9Gensanofficial/


Facebook Comments