BACOLOD CITY – Kapin napulo ka mga residente sang Brgy. 39 ang nagpadulong sa Police Station 1 agud ipa-blotter ang isa ka police nga ila kaingud nga nagapang-gamo kon mahubog kag naga-uyat armas.
Ang mga complainant amo sanday Joji Vega, Diana Espanuela, Robert Jimenez, Johnrey Jimenez, Portunata Limpios, Antonio Limpios, Elsi de Jesus, Gemma Pineda, Jodella Savideo kag Brgy. Kagawad Romer Real, tanan legal ang edad kag pumulyo sang amo nga lugar.
Gina reklamo nila sini amo si PO3 Jerico Candiasan, 40 anyos ang edad, residente sang amo nga lugar kag assigned sa Bantay Dagat.
Suno sa mga complainant nga pasado las 8 sadtong Sabado sang gab-i, nagtuga sang alarma kag eskandalo ang amo nga pulis kag ini siya ang yara sa idalum sang impluensya sang makahulubog nga ilimnon.
Pahayag pa sang mga complainant nga indi ini ang una nga kahigayunan nga nagpang-gamo si Candiasan bangud nga sadto pa natabo na ini apang naareglo sila sa barangay.
Wala labot sa eskandalo, suno sa mga tagreklamo masami pa nga nagabitbit sang iya armas ang amo nga pulis ilabi na gid kon ini ang maka-inom./ Joji Vega photo by Ricky Filoteo
