1 patay, 2 ka NPA nisurender sa Comval

231

Compostela Valley Province – Nagbaktas lang sa dalan padung sa ilang panimalay gikan nanglaba
ang usa ka ginang dihang gipusil-patay sa duha ka mga armadong tawo, alas onse e media ang takna sa buntag sa Purok 1, Barangay Prosperidad, Montevista, Comval.

Nakahiagum sa daghang samad pinusilan si Anita Callo,49 anyos hinungdan sa iyang hinanaling kamatayon. Daling misibat ang duha ka mga mamumuno sakay sa motorsiklo human matino nga wala nay kinabuhi ang biktima.

Mga nakasaksi sa krimen nag-ila sa mga suspek sa mga pangalang Charlie Balahoy, minero ug ang usa nga gi-ingong live-in partner sa biktima giilang si Robert Lapot, 48 anyos diin padayon pang gipangita sa kapulisan aron sikopon ug sayron ang motibo sa pagpatay.


Sa pikas bahin, boluntaryong nitahan sa ilang mga kaugalingon ngadto sa mga otoridad sa lungsod sa Monkayo ang magtiayon nga nagpailang mga miembro sa New Peoples Army (NPA) alas dos e media sa hapon kagahapon.

Ang mga nanurender giila nga sila Dexter Barette Hinggo alyas Tata, 32 anyos, squad leader sa Front Committee 3 sa New Peoples Army ug iyang asawa nga si Rubelyn Hinggo, alyas Mabel, 29 anyos mga residente sa Purok 2 Baranggay Casoon, Monkayo, Comval.

Giayudahan ni 2nd district Board member Arturo Uy ang pagsurender sa magtiayong NPA diin giturn-over dayon ngadto sa 25th IB Philippine Army alang sa debriefing.



Kasamang Jules Catisay

Facebook Comments