Davao City – Gawas sa usa ka batang patay nga natala sa Davao del Sur, anaa usay duha ka lain pang bata ang missing human sa kusog nga linog sa Tulunan, North Cotabato, subay sa impormasyon sa Office of the Civil Defense (OCD)-XI.
Sa interbyu sa DXDC RMN Davao kang Marvin Samson, chief operations officer sa OCD-XI, gikumpirma niini nga subay usab sa report sa Municipal Disaster Risk Reduction and Management Office (MDRRMO) sa Magsaysay, duha ka bata ang na-missing apan wala pa kini identity.
“May confirmed tayo na (2) mga missing na mga bata sa Magsaysay but to be confirmed pa ‘yung mga pangalan nila. At may isa po tayong casualty na dead,” saysay ni Samson.
Samtang, padayon usab ang gipahigayong validation sa assessment team sa matag lokalidad labot sa damyos nga hatud sa 6.6 magnitude nga linog.
Sa pikas bahin, ipailawom sa awtopsiya sa pamilyang Parba ang patayng lawas sa Grade 9 student nga si Jessie Riel Parba, 15 anyos, partikular sa may Brillantes Funeral Homes, Magsaysay, Davao Del Sur.
Sa interbiyu sa RMN Davao kang Mercidita Mancao nga abagahon sa eskwelahan sa Kasuga National High School ang galastohon hangtod pagpalubong sa patay’ng lawas sa biktima.
Matud ni Mancao nga nitabang na sab ang mga barangay official sa Barangay Blocon nga mapahibalo ang mayor sa Magsaysay.
Ang patay nga lawas sa biktima naa pa sa puninarya sa Brillantes Magsaysay, Davao del Sur.
RadyoMaN Kirby Manzon ug RadyoMaN Don Pulayao
