Usa ang patay samtang duha ang nasamdan sa tulo ka managlahi nga alarma sa pagpamusil ang gitubag sa kapolisan sa managlahi nga lugar sa dakbayan sa Mandaue kagabii .
Unang alarma nahitabo sa Sitio Tribunal, Barangay Centro diin nasamdan ang usa ka vulcanizer nga si Michael Maringoren , 34 anyos dihang gipusil sa riding in tandem samtang naglingkod lingkod daplin sa dan .
Samtang ang ikaduhang pusil nahitabo sa Pilit Cabancalan pagka-alas 10:50 sa gabii .,
Ang gipusil sud sa ilang sakyanan mao ang manag-uyab nga sila si Dennis Emmanuel Cruz ug Evangeline Senador nga kasamtangan nga nagpuyo sa Cotcot Liloan .
Samdan ang babaye sa iyang bukton , apan wa maunsa ang uyab niini .
Pagka-alas 11:30 sa gabii, gipusil patay sa internetan ang usa ka Jaypee Carayo sa Purok Sentro , Barangay Opao.
Ang kapolisan sa Mandaue padayong nag-imbistigar sa sunod-sunod nga kaso sa pagpamusil nga nahitabo kagabii.
