Dead on the spot ang 19-anyos kag apat pilason sa nagluntad nga disgrasya sa National Highway, Prk. River side, Brgy. Silway-8, Polomolok South Cotabato, pasado alas 10:00 kahapon sang aga, Agosto 23, 2021.
Isa ka Hyundai Single Cab Dropside ang imbolbado nga ginamaneho ni Wilfredo Petiluna Amay, 45 y/o, kag residente sang Prk. Capilar Brgy. Poblacion, Pres. Quirino Sultan Kudarat.
Sakay ang apat nga ginkilala kanday (1) Tristan A. Versola, 40 y/o kag residente sang Lambayong, Sultan Kudarat, (2). Villamor B. Pulido, 43 y/o, residente sang Prk. Mamgelen, Pres. Quirino Sultan Kudarat, (3). Arnel M. Tan, 29 y/o, kag (4). Netor M. Tan, 19 y/o, pareho residente sang Prk. Honey Ville, Brgy. Silway-8, Polomolok South Cotabato.
Sa imbestigasyon sang Polomolok MPS, halin sa Gensan Fish port padulong sa Koronadal ang fish car, apang pag-abot sa Brgy. Silway 8 naglupok ang wala nga karito sang salakyan kabangdanan nga nadulaan sang kontrol ang driver.
May-angot sini, ginbawian sang kabuhi si Netor M. Tan tungod sa naangkon nga seryoso nga pilas sa ulo, samtang ang iban nga sakay kag ang driver ang nakaangkon man sang head kag body injury nga gindala sa Polomolok Municipal Hospital.
Ang nasambit nga salakyan ang kargado sang nagkalain-lain nga klase sang isda nga ideliver kuntani sa Tacurong City.
