Mag-asawa ginlambatan kag gintiro, bana patay sa banwa sang Polomolok.

Dead on the spot ang isa ka 55-anyos nga lalaki, matapos nga ginlambatan sang mga armado nga suspek sa bahin sang Purok Maharlika, Brgy Magsaysay, Polomolok, South Cotabato, pasado alas 5 sang hapon, November 26, 2022.
Ginkilala ang mga biktima kanday Comma Oman 55-anyos, pamilyado, mangunguma, kag asawa niya nga si Jamela Oman, 54-anyos lunsay residente sang Lower Bianan, Brgy Basag, T’boli, South Cotabato.
Base sa imbestigasyon sang Polomolok MPS, samtang nagasubay sa dalanon sa lugar ang mag-asawa sakay sa ila motorsiklo hinali lamang ini nga ginlambatan sang duha ka mga armado nga lalaki kag ginluthang ang biktima nga si Comma sa ulo kabangdanan sang iya kamatayon, samtang luwas naman ang asawa sa insidente.
Ginkuha naman sang mga suspek ang duha ka sling bag sang mga biktima bag-o nga nagpalagyo.
Sa subong padayon pa ang imbestigasyon sang Polomolok MPS sa insidente.
Facebook Comments