Patay ang isa ka pulis samtang pilason ang 7 ka iban pa matapos naglupok ang landmine sa probinsya sang Cotabato.
Ginkilala ang nagtaliwan nga pulis nga si PO1 Christopher Anadon samtang pilason naman sanday SPO1 Michael Mariano Escano, PO2 Marinerl Pastores, PO1 Eliezer Langcuban, PO1 Darrell Ferolino, PO1 Phil Jan Ray Canarejo, PO1 Mark Vincent Capilitan kag PO1 Franz Deo Lechago, lunsay mga tinawo sang Cotabato Police Provincial Mobile Force.
Suno kay Magpet chief of police, S/Insp. Rolando Dillera, nagapatrolya ang mga pulis sa Purok Kabisig, Barangay Poblacion, Magpet, Cotabato bangod sa presensya sang New People’s Army (NPA).
Suno sa iya, gulpi lang may naglupok sa kilig sang karsada ang duha ka landmine kag ginpa-arakan pa sila snag tiro.
Sa karun, lunsay ara na sa luwas nga kahimtangan ang pito (7) ka mga pulis.
Photo from web
