Patay ang driver sang motorsiklo sa nagluntad nga vehicular accident sa Prk. Ma. Rosa, Brgy.Poblacion, Polomolok, South Cotabato, alas 12:30 sang kaagahon subong nga adlaw, Disyembre 24, 2020.
Ginkilala ang biktima kay Roel Colipano, 19 years old, single kag residente sang Prk. Jamela, Brgy. Poblacion sa nasambit nga banwa.
Samtang ang mga imbolbado nga mga salakyan sa insidente ang Vehicle-1 nga isa ka Euro Daan Hari 150 MC ginamaneho sang biktima , ang Vehicle-2 nga isa ka unit sang Kawasaki Bajaj ginamaneho ni Jinggoy Descartin Francisci , 31 years old, may-asawa kag residente sang Prk. Ma. Rosa, Brgy. Poblacion, Polomolok.
Sa imbestigasyon sang Polomolok MPS ang vehicle-1 ang padulong sa Prk. Cagasan Extension, Brgy. Poblacion, apang pag-abot sa nasambit nga lugar ang aksidente nga nabanggaan head on sang nagapadulong nga Vehicle2 nga nagasubay sa pihak nga lane. Resulta ang duha ka mga motorsiklo ang pareho nga nakaangkon sang danyos sa atubang nga portion.
Nakaangkon naman sang minor injury ang driver sang V2, samtang ang driver sang V1 ang nakaangkon sang head and body injuries kag gindala sa Polomolok Municipal Hospital apang gindeklarar nga patay sang attending physician samtang ginapaidalom sa medikasyon.
Ang duha naman ka mga motorsiklo kag ang driver sang V2 ang gindala sa Polomolok MPS para sa nagakaigo nga disposisyon.
