General Santos City—Patay ang usa ka fish Vendor samtang angol usab ang lain pang biktima sa pagpamusil sa may Talipapa market, Barangay Mabuhay, Gensan alas 9:00 pasado ang takna sa gabie, kagahapong adlawa.
Biktimang namatay nailang si Jerwin Taborada, legal age, fish vendor, residenti sa Promise Land, Barangay Mabuhay, Gensan. samtang ang angol nailang si Ronnel Aconia, residenti sa Purok Luwalhati, Barangay Mabuhay, Gensan.
Sa inisyal nga report sa Police Station 4 nasayran nga samtang ang biktimang si Taborada anaa sa may Talipapa,kalit lang kining giduol sa wala mailhing suspekd ayon gipusil, igo sa iyang ulo ug uban pang parti sa lawas.
Damay ang biktimang si Aconia human nga milapos ang bala sa pusil nga gitero kang taborada.
Nasayran nga nakaangkon usab ug samad sa iyang lawas si Aconia kansa gidala sa usa ka prinadong ospital sa Gensan.
Sa karon nagpadayon ang gihimong imbistigasyon sa kapulisan kalabutan sa insidenti ug ginasuta pa unsay motibo sa pagpamusil.
