North Cotabato – usa ka pulis ang patay samtang tulo ang angol sa natigayong landmine-initiated ambush sa Magpet, North Cotabato.
Giila ang namatay nga si P01 Christopher Anadon samtang angol silang si PO1 Pareno,PO1 Capilitan ug Lechago , pulos mga sakop sa Cotabato Police Provincial Mobile Force.
Sumala kang PNP Spokesperson, Senior Superintendent Bernard Banac – usa sa mga driver sa convoy ang namatay sa pag-atake.
Nasayran nga nagpatrolya ang maong mga pulis sa padulong unta sa Barangay Poblacion dihang nahitabo ang pagbusikad.
Natigayon usab ang pagbinayluay ug bala tali sa kapulisan ug sa grupo sa mga rebelde.
Gitudlo sa PNP ang New People’s Army (NPA) ang maoy nagpaluyo sa pagpabusikad sa landmine nga miigo sa two-vehicle convoy sa Cotabato PNP Provincial Mobile Force.
