South Cotabato—Patay human nga gipusil ang usa ka babaye sa may Lower Lopez Jaena, Barangay Zone 4 alas 8:40 ang takna sa gabie.
Giila ang biktima nga si Rowena Danay., empleyado sa Small Town Lottery (STL) nga nakabase sa Koronadal City.
Base sa inisyal nga imbistigasyon sa Koronadal City PNP nasayran nga pauli na ang biktima sakay sa usa ka Toyota Avanza.
Pasulod palang ang sakyanan niini sa compound sa iyang boarding house, kalit mibutho ang mga suspek dayon gipusil ang biktima pila ka higayon. Paspas usab nga misibat ang mga suspek human sa krimen samtang ang biktima, wala na nadala pa sa ospital human nakabsan dayon sa iyang kinabuhi.
Ayha nahitabo ang pagpamusil, pila ka higayong nakit-an sa mga silingan ang duha ka mga lalaking nagbahis-bahis sa lugar apan wala lang nila kini tagda.
Sa karon ang Koronadal PNP naglusad na ug mas makuting imbistigasyon bahin sa insidenti.
