General Santos City- 1 Sikop, samtang tulo nakasibat sa gihimong Search Operation sa operatiba sa PDEA-12 inubanan sa tropa sa kapulisan sa Matalam, North Cotabato.
Alas 6:00 ang takna sa buntag dihang gisugdan ang ronda sa may Purok 6, Kilada, Matalam, North Cotabato batok kang Rahib Aplal ug Norkarim Aplal diin nakuhaan ug pipila ka sachet sa gituohang shabu ang ilang panimalay apan pakyas nga madakpan ang mga suspek human nga nakasibat dihang nakamatikod sa presensya sa Awtoridad.
Samtang malampuson sab na nakasibat ang usa sa mga target sa search operation nga si Abu Aplal kansa nakigpinusilay pa sa tropa sa kapulisan ug PDEA. Samtang sikop ang kaubanan niining si Dally Impal Aplal, 38, mag-uuma kung asa narekober gikan sa iyang posisyon ang (1) ka fragmentation hand grenade ug usa ka sachet sa gituohang shabu.
Sa kinatibuk-an mukabat sa P20,400.00 nga kantidad sa gituohang shabu ang narekober sa panimalay sa mga suspetsado. Sa karon ginaandam na ang tukmang kasong ipasang-at sa dinakpan, ingon man sa mga suspetsadong nakasibat.
