General Santos City—patay ang usa ka 1 year old nga batang lalaki human nga nahulog sa topdown nga gisakyan niini uban sa iyang amahan sa may Carcon Vill., Barangay Lagao Gensan.
Biktima giilang si Michael Jusma, 1 yr old ug residenti sa Branagay San Isidro, Gensan. Alas 8:45 ang takna sa gabie dihang nahitabo ang insidenti.
Nasayran nga aktidenting gikaon sa kadena sa motorsiklo ang Jacket nga gisul-ob sa nahisgutang biktima hinungdan nga siya nabira ug nahagbong sa top-down, nalatayan pa gyud kini sa ligid hinungdan nga nakaangkon ug grabeng samad ug bun-og sa kalawasan.
Dali kining gidala sa Ospital partikular na sa Dr. Jorge Royeca Hospital apan gibakwian kini ug kinabuhi gumikan sa iyang mga samad.
Hilabihan usab ang pagmahay sa amahan sa bata human wala gyud nabantayan nga gikaon na sa kadena sa ilang topdown ang jacket sa bata nga hinungdan sa pagkahagbong niini.
Ang patayng lawas sa nahisgutan anaa na karon sa lokal nga punerarya sa syudad , samtang padayon pa ang gihimong imbistigasyon kalabutan sa insidenti.
