South Cotabato—patay ang usa ka 67 anyos nga lolo human nga nabanggaan sa dump truck ang iyang gisakyang besiklita, alas-3:00 ang takna sa hapon sa national highway, sakop sa Sueno Sundivision, Barangay Morales, Koronadal City.
Ang biktima giilang si Ronald Mendoza Sr., 67, residente sa susamang Barangay.
Sa inisyal nga imbistigasyon sa Traffic Management Unit sa Koronadal PNP nasayran nga samtang nagmaniho ang biktima sa iyang beseklita padulong sa ilang panimalay kalit kining nabanggan sa naghaguros nga dump truck nga Gikan as Tacurong City nga gimanihuan sa usa ka Roliger Alonzo Villa, 42, residente sa Datal Bato, Malungon, Sarangani Province.
Tungod sa kusog nga impact, nalagpot ang biktima ug nabunal sa semento hinungdan nakaangkon kini ug samad sa iyang kalawasan ug sa ulo nga bahin.
Gitabangan usab sa imaging ambulansya nga iyaha sa LGU Tantangan nga padulong sa Koronadal ang biktima aron nga kini madala sa ospital apan pag abot sa ospital gideklara kini ilawom sa dead on arrival.
Sa kasamtangan nakakustudiya na sa Koronadal PNP ang driver nga nakabangga sa biktima ug ginahuwat nalang ang desisyon sa pamilya niini kung ila ba kining pasakaan ug kaso.
