General Santos City—patay ang usa ka 10 anyos nga batang lalaki nga taga Gensan human nga nalumos sa dagat didto sa may Gallon, Malita, Davao Occidental alas 9:00 ang takna sa buntag niadtong Martes, Mayo 1, 2018.
Biktima giilang si Edmundo Magnipis, 10, residenti sa Litan Vill. Phase 2, Barangay Sinawal, Gensan.
Sumala ni Rosella Magnipis, inahan sa biktima nga nibakasyon ang iyang mga anak uban ang ilang ig-agaw didto sa Malita, Davao Occidental. Martes dihang naglingaw-lingaw ang mga nasangpit diin sila nangaligo sa dagat apan nalumos ang biktima.
Martes sa gabie dihang niabot ang patayng lawas sa biktima dinhi sa Gensan ug kasamtangan na karon nga gihaya sa ilang panimalay.
Facebook Comments
