Davao City – Nakaplagang wa nay kinabuhi ang usa ka 10 anyos nga batang lalaki nga si alyas Jojo human giingong nalumos sa giliguan sa Bonguyan beach, Matina Aplaya niadtong miaging adlaw.
Sa report sa Talomo PNP, alas 3 sa hapon kagahapon nakita ang biktima nga naglutaw lutaw sa kadagatan sa Bonguyan beach ug nasangit kini sa coastal road nga nga gina-construct sa maong lugar.
Kahinumduman nga niadtong adlawng Domingo bandang alas 2 sa hapon, naligo sa nasangpit nga dagat ang duha apan paghapak sa kusog nga balud, nalumos ang duha apan naluwas ang usa ka biktima ug ang usa pakyas nga masalbar ug wa dayon makit-i.
Tambag sa otoridad ngadto sa mga ginikanan nga di pasagdan ang mga anak nga maligo og dagat nga mag inusara kun kauban ang mga ka-edad niini, kinahanglan gihapon bantayan ingon man sabayan aron makalikay sa mga drowning incidents.
RadyoMaN Paul Canono
