5:20 AM 17SEPT2019
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan adunay duha ka Low Pressure Area (LPA) sulod sa Philippine Area of Responsibility (PAR). Ang mga gibantayang LPA anaa sa gilay-ong 715 km Sidlakan (East) nga bahin sa Basco, Batanes samtang ang laing LPA adunay gilay-ong 130 km Habagatang-kasadpan (Southwest) nga bahin sa Iba, Zambales ganihang 3:00 sa buntag.
Ang tibouk Mindanao dili apektado sa duka ka LPA, sa Trough o Extension sa LPA ug sa Habagat (Southwest Monsoon) apan maka-sinati sa panalagsang pagdag-um ngadto na sa mapanganuron nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Kasarangan (moderate) ngadto sa kusog (strong) nga hangin gikan sa Habagatan (South) ngadto sa Habagatang-kasadpan (Southwest) maoy mo-resulta sa 1.2 – 2.8 meters nga balud sa kadagatan sa Northern Mindanao.
Nagpabiling mapanganuron ang ubang parti sa Cagayan de Oro karong orasa.
Nagpabiling mapanganuron sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)
Nagpabiling mapanganuron usab sa Talakag ug Baungon. (Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
