Kalibo, Aklan – Patay ron 10-anyos nga ungang babaye matapos nga magtuhaw rong aksidente kahapon it hapon sa Roxas Avenue Extention, Andagao, Kalibo, Aklan.
Nakilaea ro nasambit nga biktima kay Marian Nicole Dulpa Falco, 10-anyos ag residente it Brgy. Jumarap Banga, Aklan.
Sa imbestigasyon it Kalibo PNP naga guwa nga nagpundo rong tricycle bangud nga nagatabok sa karsada rong biktima ag rong anang ama pero ro Ford Everest sa likod it tricycle hay ginasugid nga aksidenteng nahatapakan ko driver nga si Alberto Sergantes ro anang accelerator ag natabo rong aksidente.
Bangud sa gulping pag accelerate ko Ford Everest hay sinunggaban na kara rong tricycle ag dayon man nga hasunggaban kung tricycle ro unga kung sa siin nakaangkon it fatal nga lastro.
Gindali-dali pa raya it daea sa hospital pero ginbawian man it anang hueam nga kabuhi.
