10 anyos, pinakabatang HIV patient samtang publiko, giawhag nga musalmot sa World Aids Day

Subay sa kasaulogan sa World AIDS Day, nagpahinumdom ang Davao City Health Office (CHO) ug ang Alliance Against AIDS in Mindanao Inc. (ALAGAD-MINDANAO) nga musalmot sa mga aktibidad aron makaangkon og kaalam kung paunsa malikayan ang Human Immunodeficiency Virus-Acquired Immunodeficiency Syndrome (HIV-AIDS).

Tungod niini lang tuig 2023, natala ang 229 ka mga kaso sa HIV-Aids sa Davao City.

Sa pakighinabi sa DXDC RMN Davao kang Michael Jesus Mahinay, Executive Director sa Alagad-Mindanao Inc., iyahang gibutyag nga sila naalarma tungod natala sa laing rehiyon ang 10 anyos nga HIV patient. Ug matud niya nga padayon ang ilahang organisasyon sa pag edukar sa mga tawo ilabi na sa minors mahitungod sa safe sex and regular testing ilabi na niadtong active sexually.

Komento sa usa ka Kirstelle Sarabillo, importante ang sex education sa komunidad ug sa mga tulunghaan tungod sagad sa mga pasyente, mga batan-on ug aron usab mahibal-an kung paunsa makuha ug malikayan ang maong balatian.

Giawhag sa Davao City AIDS Council ang katawhan nga dili pakyason ang pagtambong sa selebrasyon sa World AIDS Day karong December 1, 2023 kung asa aduna’y parade, Red March, HIV testing ug uban pang mga aktibidad.

RadyoMaN Ivy Parido