Davao City – Naghatag karon og katin-awan ang health official sa syudad sa Davao labot sa pagpailawom sa Coronavirus Disease 2019 (COVID-19) patients sulod sa 10-day quarantine period sulod sa usa ka pasilidad inay 14 days sama kaniadto.
Gipasabot ni Dr. Ashley Lopez, Department of Health (DOH) Davao City Health COVID-19 focal person sa interbyu sa city-owned radio, nga mamahimo na nga makagawas sa pasilidad ang usa ka pasyente sa ika-onse ka adlaw sa iyang quarantine period sa kondisyon nga wala na kini nagpakita og simtomas sa virus tulo (3) ka adlaw ayha kini ma-discharge.
“Under the guidelines and the health protocol that we are following, pag abot ana og 10 days (sa quarantine), as long as, naa tay kondisyon ani, naay terms. Provided that on the last 3 days of his isolation, straight gyud siya, consecutive walay gibating mga simtomas (ang pasyente),” tataw ni Lopez.
Gibutyag sa Lopez nga ang infectious period sa COVID-19 anaa sa ika-lima hangtud ika-pitong adlaw samtang hinay-hinay na nga naga slow down na ang infection sa virus sa ika-napulo nga adlaw.
Dugang sa health official nga kinahanglan gihapon nga tiwason sa balay ang upat ka adlaw aron makumpleto ang 14 days diin angay gihapon nga magbaton og istriktong self-isolation.
RadyoMaN Kirby Manzon
