Mokabat sa 10 ka mga panimalay ang naugdaw sa dihang miulbo ang dakong kalayo sa may Purok 5, Barangay Bading, Butuan City, duol sa bulangan sa Octagon.
Sumala pa sa report sa fire investigator Senior Fire Officer 1 Rogelio Gonzalez, pasado alas 10:00 sa buntag, huwebes, Agosto 31, nadawat nila ang fire call ug dali mirepsonse ang mga bombero.
Nagsugod sumala pa ang kalayo sa panimalay ni Felix Mordeno Busa ug nadamay usab ang mga balay sa compound nila Albert Ramonida.
Apil sa nasunog ang balay ni Glenn Busa, Omas-as, Guiritan, Licong, Pospos, ug Jimenez
Gumikan kay gama sa mga light materials ang mga panimalay hinungdan nga dali misilaab ang kalayo ug wala na matabang ang ubang panimalay.
Gibana bana nga anaa sa P600,000 ang damage sa maong sunog. Sa pag kakarun padayun pa nga giimbestigahan ang maong sunog.
